Otto Con yenidən “Turan Tovuz”dan ayrılmaq iddiasına düşüb.
Nigeriyalı hücumçu sezonun əvvəlində olduğu, cari qış fasiləsində də bu istiqamətdə növbəti cəhdini edib.
Afrikalı legioner müqaviləsini pozmaq istədiyini klub funksionerlərinin diqqətinə çatdırıb.
Adıçəkilən forvardın “Turan Tovuz”la kontraktı müddəti 2025-ci il iyunun 30-na qədərdir. Con ümumiyyətlə, Azərbaycanda qalmağı düşünmədiyini, ərəb ölkələrindən birinə getmək niyyətində olduğunu deyib.
26 yaşlı əcnəbi üstüörtülü şəkildə bildirib ki, Kurban Berdiyevin oyun modeli və futbolçulara yanaşma tərzi onun ürəyincə deyil, ab-havanı dəyişməyə, bir qədər sakit mühitdə çıxış etməyə ehtiyac duyur.
O, bu komandaya 2023-cü il iyulun 1-də “Dukagini”dən (Kosovo) keçib. Buna qədər isə “Lion” (Nigeriya), “Skenderbeu” (Albaniya), “Trepça” və “Priştina”da (hər ikisi Kosovo) oynayıb.
SPORTİNFO.AZ
.png)