.jpg)
“Turan Tovuz” yeni mövsümə yeni baş məşqçinin rəhbərliyi altında hazırlaşır.
Bölgə təmsilçisi artıq xeyli vaxtdır Qəbələdə təlim-məşq toplanışındadır ki, bu müddətdə yoldaşlıq görüşü keçirməyə imkan tapıb.
Berdıyev Tovuz təmsilçisində işləməyə başladığı gündən futbolçuları və klub rəsmilərini sözün yaxşı mənasında təəccübləndirməkdədir.
Təcrübəli çalışdırıcının ilk mərhələdə öz qarşısına qoyduğu əsas məqsəd oyunçuları yaxşı tanımaqdır.
O, bu məqsədlə sərəncamındakı futbolçularla təkbətək görüşlər keçirir, onların fikirlərini dinləyir, oyunçulara iş prinsipini izah edir. Bir futbolçu ilə söhbət 1,5-2 saat vaxt alır.
Heç kimə fərq qoymur, hamıya eyni cür yanaşıb, eyni dildə danışır. Az qala hər gün bir-iki futbolçu ilə üzbəüz oturub uzun müddət söhbət edir.
Baş məşqçinin bu davranışı futbolçuların diqqətini yaxşı mənada çəkib. Onlar özlərini Berdıyevə daha yaxın hiss etməklə 71 yaşlı mütəxəssisin tələblərini qısa zamanda mənimsəməyə çalışırlar.
HƏBİB / SPORTİNFO.AZ
