.jpg)
“Sumqayıt”ın yeni transferi Keffel Resende sabiq komandası “Paysandu”nu qalmaqallı şəkildə tərk edib.
Sportinfo.az xəbər verir ki, sol cinah müdafiəçisi Braziliyanın B Seriyası təmsilçisi ilə müqaviləyə xitam verərək Azərbaycana yollanıb.
Məsələ burasındadır ki, “Paysandu” FIFA tərəfindən transfer qadağası cəzası ilə üzləşib.
Bunun səbəblərindən biri də 2024-cü ildə Keffelin keçidi zamanı klubun Portuqaliya təmsilçisi “Torrense”yə transfer məbləğinin bir hissəsini ödəməməsi olub.
Üstəlik, “Paysandu” 25 yaşlı oyunçunun da maaşını ödəməyib. Keffel də borcdan imtina etmək şərtilə ilin sonuna qədər olan müqaviləsini ləğv edib.
Keffel Resende “Sumqayıt”la 2+1 illik müqavilə imzalayıb.
