"Qarabağ"dan ayrılan Rüstəm Əhmədzadənin yeni klubu müəyyənləşib.
Sportinfo.az xəbər verir ki, Azərbaycan millisinin üzvü "Sumqayıt"a keçib.
Bu barədə klubun mətbuat xidməti məlumat yayıb.
24 yaşlı hücumçu ilə 2+1 illik müqavilə imzalanıb. O, "Sumqayıt"da 7 nömrəli formada çıxış edəcək.
Rüstəm Əhmədzadə son 3 mövsümü icarə əsasında "Zirə"də keçirib.
"Sumqayıt" bu yay Pedro Pinto, Aleksa Yankoviç, Rauf Rüstəmli, Aleksandr Ramalinqom və Rayan Senhadjini də heyətinə qatıb.
