“Sumqayıt”ın yeni transferi Fernando Medeyros Sportinfo.az-a açıqlama verib.
Braziliyalı legioner ilk dəfə ayaq basdığı Azərbaycanda özünü rahat hiss etdiyini bildirib.
Sitat:
“Mən Bakıda ev tutmuşam. Bəzən mənə sual verirlər ki, hər gün Bakıdan Sumqayıta gəlib-qayıtmaqdan, tıxaclarda qalmaqdan yorulmursan?
Cavab verirəm ki, yox-yox. Çalışıram tıxaca düşməyim.
Bunun üçün evdən məşq vaxtından 2 saat əvvəl çıxıram və zamanında məşqdə oluram”.
"Gənclik şəhəri" təmsilçisi son mövsümü Albaniya “Eqnatiya”sında keçirmiş “sambaçı” ilə ilə 2+1 illik müqavilə imzalayıb.
28 yaşlı braziliyalı yarımmüdafiəçi yerli “Santos”un yetirməsidir. Karyerası ərzində “Botafoqo”, “Vila Nova”, “Bahia”, “Portimonense” kimi komandaların şərəfini qoruyub.
