Ötən gün AFFA İntizam Komitəsinin iclası keçirilib.
İclasda verilən qərarlar arasında iki cəza xüsusi diqqət çəkib.
Söhbət Premyer Liqanın I turunun “Sumqayıt” – “Kəpəz” oyununda PFL Əsasnaməsinin tələbləri pozulduğuna görə “Sumqayıt” klubunun 500 manat, oyun günü planı pozulduğuna görə isə 1000 manat cərimə edilməsindən gedir.
Nədənsə bəndlərdə konkret boşluqların nədən ibarət olması qeyd edilməyib.
PFL-dən əldə etdiyimiz məlumata görə, 1000 manatıq cəzaya səbəb meydançanın xətlənməsinin gecikməsi olub.
Digər məbləğ isə oyundan sonra futbolçuların soyunub-geyinmə otaqlarının isti su probleminin yaşanmasına görə nəzərdə tutulub.
XANOĞLAN / SPORTİNFO.AZ
