“Sumqayıt”ın yayda yolları ayırmağa hazırlaşdığı futbolçular arasında Abu Dosso da yer alacaq.
Fil Dişi Sahilindən olan müdafiəçinin başa çatan müqaviləsi artırılmayacaq.
27 yaşlı cinah oyunçusu ötən yaydan “kimyaçılar”ın formasını geyinir.
Onunla 1+1 şərtilə müqavilə imzalanıb. Klub istəsə, növbəti bir il qüvvəyə minəcəkdi.
Amma Samir Abasov onun qalmasında maraqlı deyil.
Afrikalı legioner bu mövsüm “Sumqayıt” formasında meydana çıxdığı 29 oyunda 5 asistlə yadda qalıb.
Abu Dosso “Sumqayıt”a kimi peşəkar karyerası ərzində İsrailin “Rişon Lezion”, “Hapoel” (Təl-Əviv) və “Bney Saxnin” klublarında çıxış edib.
XANOĞLAN / SPORTİNFO.AZ
