"Sumqayıt" Erik Sorqanın ardınca daha bir legionerlə yolları ayırmağa hazırlaşır.
Belə ki, "kimyaçılar" Oktavio Mantekanın xidmətində maraqlı deyil.
30 yaşlı yarımmüdafiəçi yeni mövsüm başqa komandada çıxış etməli olacaq.
"Gənclik şəhəri" təmsilçisi mövsümün əvvəli Bolqarıstanın "ÇSKA 1948" klubuna məxsus olan braziliyalı yarımmüdafiəçini 1 illik icarayə götürmüşdü.
O, 2023/24 mövsümündə forma geyindiyi 29 matçda cəmi 2 qol ötürməsi ilə yadda qalıb.
"Botafoqo" klubunun yetirməsi olan Oktavio Manteka karyerası ərzində İtaliyanın "Fiorentina", Belçikanın "Beerşot", Bolqarıstanın "Beroe", "Lokomotiv" (Sofiya) klublarında çıxış edib.
XANOĞLAN / SPORTİNFO.AZ
