![Premyer Liqa təmsilçisi bu futbolçu ilə 14 ay sonra ikinci dəfə müqavilə imzaladı](https://www.sportinfo.az/media/2024/05/24/446114173_821895673152189_6072357952339414898_n.gif)
“Sumqayıt” ötən ilin martında müqaviləsini yenilədiyi Səbuhi Abdullazadə ilə bağlı uzunmüddətli plan qurub.
“Kimyaçılar“ yarımmüdafiəçinin sözləşməsini bir daha uzadıb. 22 yaşlı oyunçunun kontraktına 2 il əlavə olunub.
Hazırkı müqavilə 2025/26 mövsümünün sonuna qədər qüvvədə idi.
Futbola 2011-ci ildə “Sumqayıt” Futbol Akademiyasında qədəm qoyan Səbuhi 15 yaşı olarkən, 2017/18 mövsümündə Premyer Liqada debüt edib (14-cü tur, “Kəpəz” – “Sumqayıt” 0:3; 02.12.2017).
Premyer Liqada ümumilikdə 79 oyun keçirən yarımmüdafiəçi 1 dəfə qol vurmağa da müvəffəq olub.
Adullazadə U-15, U-16, U-17, U-19 və U-21 yığmalarının da uğurları üçün çalışıb.
SPORTİNFO.AZ