Mövsümün sonu "Sumqayıt"ı tərk edəcək futbolçulardan daha birinin kimliyi məlum olub.
Əldə etdiyimiz məlumata görə, "kimyaçılar" yay fasiləsində Orxan Sadıqlı ilə yolları ayıracaq.
Qapıçının performansı məşqçilər korpusunu qane etmir.
31 yaşlı futbolçu ötən ilin yayında "Kəpəz"i "Sumqayıt"a dəyişmişdi.
O, arxada qalan müddətdə cəmi 4 oyunda forma şansı qazanıb və qapısından 5 qol buraxıb.
"Xəzər Lənkəran"ın yetirməsi karyerası ərzində "Zirə" və "İnter" (indiki "Şamaxı") klublarının da şərəfini qoruyub.
XANOĞLAN / SPORTİNFO.AZ
