«Şamaxı»nın baş məşqçisi Azər Bağırov yeni sevdaya düşüb.
İyunun əvvəlində «şirlər»lə 3 illik müqaviləyə imza atan çalışdırıcı, deyəsən, aldığı bu qərardan o qədər də məmnun deyil.
Aylıq 13 min manat məvacib qarşılığında «Kəpəz»dən bura gələn mütəxəssis indi də millidə çalışmaq həvəsiylə alışıb-yanır.
Bağırov bu arzu və istəklə AFFA-nın binasına üz tutub, rəhbər şəxslərdən biriylə görüşüb. Federasiyadan əldə etdiyimiz məlumata görə, o, 1 saatdan artıq müddətdə burada olub.
44 yaşlı sükançı «Kəpəz»dən könülsüz ayrıldığını, son ana qədər klub rəhbərliyindən normal şərtlərlə yeni müqavilə təklifi gözlədiyini, lakin onlardan istədiyi cavabı ala bilmədiyini söyləyib.
Tez-tez iş yerini dəyişməyə adətkardə olmuş Bağırov görüşdüyü AFFA mənsubuna öz xahişini dilə gətirib.
Nədir o xahiş? Deyib ki, U-21 yığmasında çalışmaq istəyir və namizədliyi dəstəklənərsə, sentyabrdan etibarən orada fəaliyyət göstərməyə ikiəlli razıdır.
SPORTİNFO.AZ
