.jpg)
“Səbail”in ev oyunlarını keçirdiyi “ASCO Arena”nın qazonu dəyişdiriləcək.
Bu barədə “Azərbaycan Xəzər Dəniz Gəmiçiliyi” QSC-nin (ASCO) İdarə Heyətinin və “Səbail”in Müşahidə Şurasının sədri Rauf Vəliyev açıqlama verib.
O, komandanın məşqçiləri və futbolçuları ilə görüşdə bu haqda söhbət açıb və bildirib ki, süni ot örtüyünün durumundan, onun kifayət qədər yararsız halda olmasından xəbərdardır.
R.Vəliyev qeyd edib ki, sahə tezliklə dəyişdiriləcək və burada təbii meydança salınacaq. Müşahidə Şurasının sədri qazonun dəyişdirilməsi ilə əlaqədar smetanın hazırlanmasına göstəriş verib.
SPORTİNFO.AZ
