"Səbail" növbəti transferini gerçəkləşdirib.
Sportal.az klubun saytına istinadən xəbər verir ki, paytaxt klubu Emin Zamanovu heyətinə qatıb.
Yarımmüdafiəçi ilə 1 illik müqavilə imzalanıb.
Zamanov ötən mövsüm "Neftçi-2"də çıxış edib. “Dənizçilər”in yeni baş məşqçisi Mahmud Qurbanov da onu elə buradan yaxşı tanıyır.
Axı “Professor” ləqəbli çalışdırıcı bura gələnə kimi son 4 mövsümü “Neftçi”nin ikinci komandasında keçirib.