Məlum olduğu kimi, “Səbail”in məşqçisi Vüqar Məmməd cəzalanıb.
Dünən bu barədə qərarı AFFA-nın İntizam Komitəsi verib.
Qurum məşqçini 20 oyunluq diskvalifikasiya edib. Buna Məmmədin Azərbaycan kubokunun 1/4 final mərhələsinin cavab görüşündəki hərəkəti səbəb olub.
Azərbaycan yığmalarının sabiq baş məşqçisi “Sumqayıt”la ev qarşılaşmasında (1:2) köməkçi hakimi vurduğu üçün belə sərt cəzaya məruz qalıb. Onun hərəkətinə görə “Səbail” 16 min manat cərimə ödəyəcək.
Sportinfo.az-ın məlumatına görə, “Səbail” rəhbərliyi cəzayla bağlı AFFA-ya şifahi müraciət edib.
Və bundan sonra qərara müəyyən düzəliş edilib. Belə ki, diskvalifikasiya yalnız kubok qarşılaşmalarına şamil olunacaq. Yəni, Məımmədli Premyer Liqa oyunlarında həmişəki kimi tezniki zonada əyləşə bələcək.