Azərbaycan millisinin sabiq qapıçısı Kamran Ağayev uzun fasilədən sonra rəsmi matça çıxıb.
Sportinfo.az xəbər verir ki, hazırda “Səbail”in formasını geyinən 35 yaşlı kiper ölkə kubokunun 1/4 final mərhələsinin “Sumqayıt”a qarşı ilk oyununda iştirak edib.
Komandanın baş məşqçisi Aftandil Hacıyev təcrübəli qolkiperə start heyətində yer verib.
Kamran Ağayev “Səbail”ə 2020-ci ilin avqustunda keçib. Onun klubla sözləşməsi mövsümün sonunda başa çatacaq. Ağayev son rəsmi oyununu 2019-cu ilin martında “Keşlə”nin heyətində “Neftçi”yə qarşı keçirib.
O, görüşün 30-cu dəqiqəsində zədələnərək meydanı tərk edib və uzun müddət futbolsuz qalıb. Bir sözlə, Ağayev 673 gündən sonra yaşıl meydanlara dönüb.
