Azərbaycan Kubokunda 1/4 final mərhələsinə start verilib.
Sportinfo.az xəbər verir ki, raundun ilk oyununda "Sumqayıt" "Səbail"i qəbul edib.
"Kapital Bank Arena"dakı qarşılaşma paytaxt təmsilçisinin 1:0 hesablı qələbəsi ilə yekunlaşıb. "Səbail"in heyətində yeganə qolu 12-ci dəqiqədə Amil Yunanov vurub. 28 yaşlı hücumçu keçmiş klubunu məyus edib.
Komandalar arasındakı cavab görüşü fevralın 6-da olacaq.
