"Səbail" heyətinə yeni oyunçu cəlb edib.
Sportinfo.az klubun mətbuat xidmətinə istinadən xəbər verir ki, paytaxt təmsilçisi sierra-lioneli müdafiəçi Ali Sisayla mövsümün sonuna qədər müqavilə imzalayıb.
Sisay yeni komandasında 4 nömrəli formanı geyinəcək.
Qeyd edək ki, 27 yaşlı futbolçu buna qədər "Zirə"də çıxış edirdi. İki gün əvvəl paytaxt klubu onunla müqaviləni qarşılıqlı razılaşma əsasında ləğv etdiyini açıqlayıb.
