.jpg)
Növbəti mövsüm avrokuboklara vəsiqə uğrunda mübarizə aparacaq «Sabah» transfer çalışmalarını yekunlaşdırmağa hazırlaşır.
Bu barədə Sportinfo.az-a klubun mətbuat xidmətinin rəhbəri Elnur Həmidov bildirib.
Onun sözlərinə görə, komanda demək olar tam komplektləşib: «Hazırkı heyət baş məşqçi Visente Qomesi razı salır. O ki qaldı yeni futbolçuların cəlb edilməsinə, baş məşqçi və rəhbərlik ehtiyac görsə, bu məsələ müzakirə edilə bilər».
Masazır təmsilçisi bu yay 9 transfer edib. “Qəbələ”dən Amin Seydiyev, Samir Məhərrəmli, İdris İnqilablı, “Keşlə”dən Slavik Alxasov, “Qarabağ”dan Nicat Mehbalıyev, “Sumqayıt”dan Aleksey İsayev, “Anji”dən (Rusiya)) Camal Cəfərov və “Domjale”dən (Sloveniya) Nikola Vuyadinoviçlə müqavilə imzalanııb.
