Britaniya mətbuatı milli komandamız və "Sabah"ın müdafiəçisi Bəhlul Mustafazadə ilə bağlı yeni iddia ortaya atıb.
Sportinfo.az xəbər verir ki, "onefootball.com" saytı "Sanderlend"in qış transfer pəncərəsində heyətinə qatacağı 5 futbolçudan birinin məhz həmyerlimiz olduğunu yazıb. İddiaya görə, adı dəqiqləşən digər oyunçu isə "Mançester Yunayted"in üzvü Ceyms Qarnerdir.
Komandanın baş məşqçisi Fil Parkinson da son turda evdə "Börton Albion"a 1:2 hesablı məğlubiyyətdən sonra keçirdiyi mətbuat konfransında komandasının daha əzmkar və mübariz futbolçulara ehtiyacı olduğunu vurğulamışdı.