“Nabi Keyta “Sabah”a gəlmək fikrində deyil”
Bu sözləri Sportinfo.az-a açıqlamasında qvineyalı menecer Süleyman Yula deyib.
Afrikalı agent təmsilçisi olduğu Nabi Keytanın "Sabah"ın marağında olduğunu təsdiqləyib:
“Hazırda iki klub arasında danışıqlar gedir. Mənim bildiyimə görə, “Sabah” Nabi Keytanı heyətinə qatmaqda çox maraqlıdır. Hələ futbolçunun özünə bu barədə “Sabah” tərəfindən müraciət edilməyib.
Keytanın “Ferentsvaroş”la daha bir illik müqaviləsi var. O, 2027-ci ilin yayına qədər “Ferentsvaroş”a məxsusdur. Keyta ilə söhbət etmişəm. O, hazırkı vəziyyətdə klubunu dəyişmək, “Sabah”a gəlmək fikrində deyil. Ən azı müqavilə müddətinin sonuna qədər “Ferentsvaroş”da qalmağı planlaşdırır.
Sabah üçün nə olacağını, nələrin dəyişəcəyini deyə bilmərəm. Amma bu gün üçün son vəziyyət bundan ibarətdir. Mən düşünmürəm ki, Keyta hazırkı vəziyyətdə fikrini dəyişsin”.
Keyta 2024-cü ilin dekabrında “Verder”dən icarə əsasında “Ferentsvaroş”a keçib. 2026-cı ilin yanvarında isə Macarıstan klubu futbolçunun transfer hüquqlarını birdəfəlik əldə edib.
Qvineyalı 2018/19 mövsümündə “Liverpul”un heyətində UEFA Çempionlar Liqasının qalibi olub.
