"Sabah" Çempionlar Liqasının pley-off mərhələsində bu gün ilk matçına çıxacaq.
Valdas Dambrauskasın baş məşqçi olduğu kollektiv səfərdə İsrail təmsilçisi "Hapoel"lə (Beer-Şeva) üz-üzə gələcək.
Rumıniyanın paytaxtı Buxarestdəki "Quleşti" stadionunda, Bakı vaxtı ilə saat 23:00-da start götürəcək qarşılaşmanı italiyalı FIFA referisi Davide Massa idarə edəcək.
Çempionlar Liqasında debüt mövsümü keçirən «bayquşlar» liqa mərhələsinə vəsiqə qazanarsa, əməlli-başlı varlanacaqlar.
Onların hər birini nə az, nə çox, 120 min manat civarında mükafat gözləyir. Bura qədər isə 60 min manat «ənam» qazanıblar.
SPORTİNFO.AZ
