Bu gün Çempionlar Liqasında 3-cü təsnifat mərhələsinin cavab oyunlarına start veriləcək.
"Sabah" da bu gün meydana çıxacaq.
Valdas Dambrauskasın komandası öz meydanında Danimarka çempionu "Orhus"la qarşılaşacaq.
Tərəflər arasında Danimarkada keçirilən ilk matçda "Orhus" 2:1 hesablı qələbə qazanıb.
Bu cütün qalibi pley-off mərhələsində "Srvena Zvezda" - "Hapoel" (Ber-Şeva, İsrail) duelinin güclüsü ilə qarşılaşacaq.
Məğlub tərəf isə Avropa Liqasının pley-offunda "Benfika" (Portuqaliya) - "Harts" (Şotlandiya) cütünün qalibi ilə üz-üzə gələcək.
"Sabah" yoluna ÇL-də davam etməyi planlaşdırır. Bu, klub rəhbərliyinin bir nömrəli istəyidir.
Aldığımız məlumata görə, "bayquşlar" qarşılarına qoyulan tapşırığı yerinə yetirirsə, böyük məbləğdə mükafatlandırılacaqlar.
Qitənin ən mötəbər yarışında pley-offa yüksəlmək müqabilində əsas heyətdə meydana çıxanların hər birini 30 min dolların üstündə pul gözləyir.
Oyun saatına kimi bu məbləğin daha da artırılması gözlənilir.
SPORTİNFO.AZ
.jpg)
