"Sabah"ın iyulun əvvəlində "İberiya"ya (Gürcüstan) icarəyə verdiyi Andrey Santos yenidən klubunu dəyişib.
Sportinfo.az xəbər verir ki, braziliyalı müdafiəçi karyerasını Ukraynada davam etdirəcək.
Santos "Veres"ə icarəyə verilib. 21 yaşlı futbolçu 2026/27 mövsümündə Premyer Liqa təmsilçisinin formasını geyinəcək. Klublar arasındakı anlaşmada satınalma bəndi yer alıb.
"Sabah" Andrey Santosu 2025-ci ilin yayında ölkəsinin "Kanaa" klubundan transfer edib. "Sambaçı" Masazır təmsilçisinin heyətində 8 rəsmi matçda meydana çıxıb.
