Emanuel Apeh “Sabah”ın heyətində het-trik edən ilk futbolçu olub.
Sportinfo.az Peşəkar Futbol Liqasına (PFL) istinadən xəbər verir ki, 2017-ci ilin yayından peşəkar səviyyədə çıxış edən klubun üzvləri indiyədək I Divizion, Azərbaycan Kuboku və Premyer Liqada keçirilən görüşlərin heç birində het-trik etməyib.
Emanuel Azərbaycan kubokunda fərqlənib. O, 1/8 finalın “Qaradağ Lökbatan”la görüşündə vurduğu 3 qolla 5:0 hesablı qələbədə pay sahibi olub.