.jpg)
“Kubokda komanda sayının az olması bizi də narahat edir“.
Sportinfo.az xəbər verir ki, bu açıqlama Peşəkar Futbol Liqasının vitse-prezidenti Aslan Şahgəldiyevə məxsusdur.
Region Liqası komandalarının ölkə kubokuna buraxılmasının mümkünlüyü ilə bağlı sualına cavab verərkən Şahgəldiyev qarşıdakı mövsümdə bununla əlaqədar müzakirələr aparılacağını bildirib:
“Bildiyiniz kimi, divizon komandalarının hamısı kubokda iştirak etmir. “Zaqatala” və “İmişli” maliyyə çatışmazlığı səbəbindən imtina məktubu göndərib.
Region Liqasında çıxış edən komandaların kuboka buraxılması məsələsinə gəldikdə, bu yarışda çıxış edənlər həvəskar statusu daşıyır.
Bizim əsasnaməyə görə isə Azərbaycan Kubokunda iştirak edən komandaların peşəkar statusu olmalıdır.
Düşünürük ki, kuboka qatılmaq istəyən komanda infrastrukturla bağlı, heç olmasa, minimal tələblərə cavab verməlidir.
İstənilən halda növbəti mövsümdən Region Liqasında çıxış edən komandaların Kuboka buraxılması məsələsini AFFA ilə birlikdə müzakirə edəcəyik”.
.jpg)
