Millinin və «Neftçi»nin sabiq yarımmüdafiəçisi Cavid İmamverdiyev profilini dəyişib.
O, məşqçilik həyatına atılıb. Region Liqasında mübarizə aparacaq «Ağsu Siti»nin sükanı ona tapşırılıb.
36 yaşlı orta sahə oyunçusu Ağsu təmsilçisinin formasını geyinməklə yanaşı, baş məşqçi vəzifəsini yerinə yetirəcək.
Rəhbərlik İmamverdiyevin qarşısına konkret vəzifə qoyub - komandanı çempion etmək və II Liqaya çıxmaq.
«Neftçi»nin yetirməsi «Ağsu Siti» ilə yanaşı, «Ağstafa Gəncləri»ni düşünməyə davam edəcək.
Çünki iyunda II Liqa mənsubu ilə müqavilə imzalayıb və onlardan aylıq 2000 manatdan artıq əməkhaqqı alır. Ən azı, ilin sonunadək iki işi paralel görəcək.
SPORTİNFO.AZ
