“Çox xoşbəxtəm, çox sevinirəm”.
Sportinfo.az xəbər verir ki, bu sözləri “Neftçi”nin hücumçusu Adeleke Akinyemi deyib.
Hücumçu səfərdə “Şamaxı”ya 3:2 hesabı ilə qalib gəldikləri Misli Premyer Liqasının 10-cu turunun oyunundan sonra fikirlərini bölüşüb.
“Meydanda əlimdən gələnin ən yaxşısını etməyə çalışdım. Çempionatın əvvəlindən hər matçda qələbə haqqında düşünürük.
İnamımız böyükdür. Çempionluğa nail olacağıq”, - deyə o, bildirib.
Forvard Şamaxıdakı qarşılaşmanın çətin keçdiyini də vurğulayıb:
“Bəzən futbolda belə olur. Çətinliklərlə üzləşirsən. Amma sonadək inanırıq. Əlimizdən gələni edəcəyik”.
Səfərdə “Şamaxı”nı məğlub etməklə xallarının sayını 21-ə çatdıran “Neftçi” turnir cədvəlində birinci pilləsinə yüksəlib.
