Yeni yaranan “Lerik” ilk yoxlama görüşündə qüvvəsini sınayıb.
Region Liqasında iştirak edəcəyi dəqiqləşən əyalət komandası daha bir debütnat - “Zəfər 44” ilə üz-üzə gəlib.
Oyun “Xəzər Lənkəran” Mərkəzi Stadionunun ehtiyat meydançasında təşkil olunub. “Lerik” gərgin keçən mübarizənin sonunda 4:3 hesablı qələbə qazanıb.
Çempionatın çənub zonasında mübarizə aparaxaq kollektiv Teymur Muradova tapşırılıb. Komanda mövsümün sonunadək B kateqoriyalı mütəxəssisin sərəncamında olacaq.
T.Muradov uzun müddət “Xəzər Lənkəran”ın U-18 komandasını çalışdırıb. “Lerik”in yaradıcıları onun qarşısına minimum qrupdan çıxmaq vəzifəsi qoyub.
Debütant bölgə yarışmasında “Xəzər Lənkəran 42”, “Qobustan”, “Ərkivan” (Masallı), “Neftçala” və “Zəfər 44” (Cəlilabad) ilə qüvvəsini sınayacaq.
SPORTİNFO.AZ
