Region Liqasının növbəti mövsümü üçün klubların qeydiyyat müddəti başa çatıb.
Bu haqda Sportinfo.az-a AFFA-nın Mətbuat və İctimaiyyətlə Əlaqələr Departamentinin rəhbəri Firuz Abdulla məlumat verib.
Onun bildirdiyinə görə, oktyabrın 20-dən sonra çempionata start verilməsi planlaşdırılır:
«Yarışda bir sıra yeni komandalar çıxış edəcək. Demək olar hər zonada onları görəcəyik.
Müraciət edənlər çoxdur. Onların qeydiyyatı başa çatsa da, futbolçuların iştirak ərizəsinə daxil edilməsi prosesi hələ gedir».