Millinin yarımmüdafiəçisi Toral Bayramov avqustun sonunadək Azərbaycanı tərk edə bilər.
«Qarabağ» ona görə bir neçə təklif alıb.
Polşa, Xorvatiya və Türkiyədən olan klublar «Xəzər Lənkəran»ın yetirməsinin xidmətində maraqlıdır.
Ağdam təmsilçisi Çempionlar Liqasında 3 oyun keçirib. Bayramov «Lex» və «Sürix»lə geridə qalan matçların heç birində meydana əsas heyət üzvü kimi çıxmayıb. Elvin Cəfərquliyev onu ilk «11-lik»dən sıxışdırıb çıxarıb.
«Qarabağ»ın Toralla birdəfəlik vidalaşmaq fikri yoxdur. Gənc oyunçunu ən yaxşı halda icarəyə verə bilərlər.
Bu da böyük ölçüdə komandanın avrokuboklarda göstərəcəyi nəticələrdən asılıdır.
SPORTİNFO.AZ