"Qəbələ”nin Antalyada sonuncu rəqibi dəyişdi

21 Yanvar 00:00 Qəbələ 382
"Qəbələ”nin Antalyada sonuncu rəqibi dəyişdi

Mövsümün ikinci yarısına hazırlığını davam etdirən “Qəbələ”nin Türkiyədə keçirəcəyi sonuncu yoxlama oyunundakı rəqibi dəyişib.

Sportinfo.az xəbər verir ki, “qırmızı-qaralar” Antalya şəhərindəki təlim-məşq toplanışındakı 4-cü matçda Rumıniyanın “Konkordiya” klubu ilə görüşəcək.

Bu matç yanvarın 25-də baş tutacaq. Öncədən həmin gün Bolqarıstanın “Dunav” klubu ilə qarşılaşma nəzərdə tutulsa da, rəqib Rumıniyanın 2-ci liqa təmsilçisi olacaq.

Antalyada iki yoxlama matçı keçirən “Qəbələ” Macarıstanın MTK klubuna 0:3 hesabı ilə uduzub, Rusiya təmsilçisi “Çayka”ya eyni hesabla qalib gəlib. Komanda yanvarın 22-də Bolqarıstanın “Etar” klubu ilə üz-üzə gələcək.

Digər Xəbərlər
Xəbər Lenti
27 Fevral 14:50 Yenə o, yenə o… FOTO