Qurban Qurbanov niyə ona sərt reaksiya verdi?

4 Fevral 2023 16:50 Qarabağ 1 714
Qurban Qurbanov niyə ona sərt reaksiya verdi?

"Qarabağ" Azərbaycan Premyer Liqasının 21-ci turunda səfərdə "Kəpəz"lə 1:1 hesablı heç-heçə edib.

Sportinfo.az xəbər verir ki, matçdan sonra keçirilən mətbuat konfransında Ağdam təmsilçisinin baş məşqçisi Qurban Qurbanov sualları cavablandırıb:

- Bizim üçün asan oyun olmadı. Burada matçlarımız həmişə gərgin mübarizə şəraitində keçir. Hər halda xallarımızın üzərinə biri də gəldi. Təəssüf ki, hələ oyunumuzu yaxşılaşdıra bilmirik. Qış fasiləsindən sonra ilk matçımızı saat 14:00-da, sonra 16:00-da, bu gün isə yenidən 14:00-da keçirdik. Belə şəraitdə oyunu inkişaf etdirməlk çətindir.

- Ağır qrafikə girirsiz. "Sabah" və "Gent"lə matçlarınız var. Komandanı necə hazırlayacaqsız?
- İlk dəfə deyil. Komandada onsuzda çatışmazlıqlar var. Belə olan halda ağır qrafika girmək asan deyil. Başqa çıxış yolumuz yoxdur. Əlimizdə olan futbolçuların bərpasını tezləşdirməyə çalışacağıq. Oyundan-oyuna komandanı motivasiya etməyə çalışırıq.

- Gəncəyə uzun fasilədən sonra gəldiniz. Təəssüratlarınız necədir?
- Gəncə futbolu Azərbaycanda fərqlənir. Həmişə buradan yaxşı futbolçular çıxır. Əvvəlki matçlarımızda 17 min azarkeşin olduğunu görmüşdük. Bu şəhərə futbol yaraşır. Futbolçu olduğum vaxtlarda da burada oynamaq asan olmayıb. Saat 2-də, belə qazonda yaxşı futbol göstərmək asan deyil.

- Matçın sonlarında Yankoviçə sərt reaksiya verdiniz...
- Normal epizodlardır. Tələsirdik, ona görə iradımı bildirdim. Əgər oyun alınmırsa, burada futbolçunun üzərinə getmək olmaz.

Digər Xəbərlər
Xəbər Lenti