Azərbaycan Premyer Liqasının birinci turunda keçiriləcək “Qarabağ” – “Səbail” matçının biletləri bu gün satışa çıxarılacaq.
Sportinfo.az xəbər verir ki, bilet satışı saat 11:00-dan oyun başlayanadək davam edəcək.
Qapıarxası və künclərdə yerləşən sektorlar 5 manat, mərkəzi sektorlar 10 manat, VIP biletlər isə 20 manat olacaq.
Matça gəlmək istəyən azarkeşlər biletləri Iticket.az-da və "Azersun Arena"nın kassalarında əldə edə biləcək.
Matç saat 20:00-da başlayacaq.