"Napoli"nin prezidenti Aurelio De Laurentis şok qərarın astanasındadır.
Sportinfo.az xəbər verir ki, 70 yaşlı biznesmen Neapol klubunun baş məşqçisi Karlo Ançelotti ilə yanaşı, bütün futbolçuları da komandadan qovmağa hazırlaşır.
İş adamının bu barədə hüquqşünasla ətraflı müzakirə apardığı və artıq qərar verdiyi iddia olunur. İtaliya mətbuatının yazdığına görə, klub prezidenti "Napoli"ni tamamilə yeniləyəcək.
Xatırladaq ki, rəhbərliklə-məşqçi-futbolçular arasında bir müddət əvvəl baş qaldıran narazılığın səbəbi De Laurentisin komanda üzvlərinə bazadan çıxmamaq tapşırığı verməsi idi. Klub prezidenti eyni zamanda baş məşqçi Karlo Ançelottiyə irad bildirmişdi ki, artıq hörmətdən düşüb, futbolçulara sözünü keçirə bilmir.
.jpg)
