“Əl-Nəsr”in hücumçusu Con Duran bu yay şəxsi səbəblərə görə klubundan ayrıla bilər.
Sportinfo.az xəbər verir ki, bu barədə Səudiyyə Ərəbistanının “Arriyadiyah” nəşri məlumat yayıb.
21 yaşlı futbolçu psixoloji vəziyyətində yaranan problemlər və texniki sabitliyin pozulması səbəbindən icarəyə göndərilə bilər.
Onun “Əl-Nəsr”dəki illik maaşı təxminən 22 milyon dollardır.
Kolumbiyalı forvard bu ilin yanvarında “Aston Villa”dan 77 milyon avroya “Əl-Nəsr”ə transfer olunub. O, 2024/25 mövsümündə Səudiyyə Ərəbistanı çempionatında 13 oyuna çıxaraq 8 qol vurub.
