Dövlətə borcu olan legionerin Azərbaycandan çıxışına qadağa qoyuldu

2 İyun 2023 22:40 Problem 1 458
Dövlətə borcu olan legionerin Azərbaycandan çıxışına qadağa qoyuldu

"Keşlə”nin (indiki "Şamaxı”) sabiq legioneri Omar Qudiabinin Azərbaycandan çıxışına qadağa qoyulub.

Sportinfo.az xəbər verir ki, buna səbəb seneqallı oyunçunun vergi borclarını ödəməməsi olub.

İqtisadiyyat Nazirliyi yanında Dövlət Vergi Xidməti Bakı Şəhəri Kiçik Sahibkarlıqla İş Üzrə Baş İdarəsi tərəfindən məhkəməyə verilən Qudiabinin işinə Bakı Kommersiya Məhkəməsində baxılıb.

Xüsusi icraat qaydasında aparılan işin nəticəsinə əsasən futbolçunun ölkədən çıxışı məhdudlaşdırılıb.

Bu da o anlama gəlir ki, Qudiabi Azərbaycana dönəcəyi təqdirdə vergi borcunu ödəyənə qədər sərhədlərimizdən kənara çıxa bilməyəcək.

28 yaşlı seneqallı hücumçu 2021-2022 mövsümündə "Keşlə”nin (indiki "Şamaxı”) formasını geyinib.

Digər Xəbərlər
Xəbər Lenti