Mağazalarda koronavirusa yoluxma hallarının müəyyənləşdirilməsi ilə bağlı testlər satılır.
Sportinfo.az xəbər verir ki, bu barədə foto sosial şəbəkələrdə yayılıb.
“Hörmətli müştərilər satışda COVID-19 testi var. Qiyməti 30 manat”, – deyə qeyd edilib.
Tibbi Ərazi Bölmələrini İdarəetmə Birliyindən (TƏBİB) bildirilib ki, ekspress testlərdən bütün dünyada istifadə olunur: “Həmin testin dəqiqliyi PZR testləri ilə müqayisədə zəifdir”.
Qurumdan qeyd edilib ki, ev şəraitində insanların ekspress testlərdən istifadə etməsinə hər hansı qadağa qoyulmayıb:
“Bu, hər kəsin şəxsi istəyi ilə bağlıdır. Məlumat üçün bildirək ki, ümumilikdə hər hansı dərman vasitəsinin və bu cür testlərin ölkəmizə gətirilməsi Tibbi Ərazi Bölmələrini İdarəetmə Birliyinin (TƏBİB) səlahiyyətində deyil”.