«Xalalarım məni Kriştianu Ronaldoya oxşadır».
Sportinfo.az xəbər verir ki, bu sözlər «Sabah»ın kapitanı Ruslan Abışova məxsusdur.
Təcrübəli müdafiəçi onu Portuqaliya millisinin və «Yuventus»un ulduzuna bənzətdiklərini deyib: «Bu haqda çox eşitmişəm. Ən çox da xalalarımdan.
Ronaldo ilə meydanda üz-üzə gəlmişəm. Amma forma dəyişdirmək imkanm olmayıb.
Millinin bir oyununda Mahir Şükürov ondan iki dəfə forma aldı. Həm fasilədə gedib dəyişdi, həm də oyundan sonra. Ona görə də Ronaldodan yenə forma istəməyin yeri yox idi».
