.jpg)
Sportinfo.az xəbər verir ki, “Neftçi”nin fiziki hazırlıq üzrə sabiq məşqçisi Andrea Vezzu sualları cavablandırıb.
İtaliyalı mütəxəssis həm ölkəsindəki mövcud vəziyyətdən, həm də “Neftçi”dən danışıb:
– İtaliyada son vəziyyət necədir?
– Vəziyyət çox mürəkkəbdir. Düzdür, əvvəlkinə nisbətən yaxşılaşıb, amma çoxlu sayda insan öldü. Aktiv həyat hələ də qapalıdır.
– Şəhərdə gəzə və ya idman edə bilirsiz?
– Həftənin ilk günündən gəzməyə icazə verilib və tək məşq etmək olar. Lakin bunların hamısını maska ilə etmək lazımdır.
– Koronavirusa yoluxan və bu virusdan ölən dostlarınız oldu?
– Əlbəttə. Onlar üçün çox üzülürəm.
– “Neftçi”dən ayrıldıqdan sonra İtaliyada nə ilə məşğulsunuz? Hər hansı təklif oldumu sizə?
– Yox. Hər şey bağlıdır. Onsuz da koronavirusa görə işləmək qeyri-mümkündür.
– Burdan ayrıldıqdan sonra “Neftçi” bir neçə oyun keçirdi. Onları izlədinizmi?
– Xeyr.
– Roberto Bordinlə görüşüb Azərbaycandakı xatirələrdən danışırsız?
– Əlbəttə. Biz hər zaman bütün təcrübələrimizdən söhbət edirik. Lakin indi keçmişi qoyub qarşıdakı işlərə, yeni komandaya hazırlaşmaq lazımdır. Bilmirəm bu nə zaman baş verəcək.
– Azərbaycanda yenidən işləmək istəyərsiz?
– Niyə də yox? Bakı gözəl şəhərdir və ora qayıtmaq istəyərəm (futbolinfo.az).
.jpg)
