.jpg)
"Neftçi"nin qapıçısı Aqil Məmmədov Azərbaycan Premyer Liqasının 20-ci turunda hazırda davam edən "Sabah"la matçda məcburi əvəzlənib.
Sportinfo.az xəbər verir ki, onun halı pisləşib və yerə yıxılıb.
59-cu dəqiqədə meydanı xərəklə tərk edən A.Məmmədovu Səlahət Ağayev əvəzləyib.
Bu zaman "Neftçi"nin texniki zonasında gözlənilməz hadisə yaşanıb. Belə ki, komandanın tərcüməçisi Vüqar Əliyev Aqil Məmmədovu Füzuli Məmmədova göstərərək, nümayişkaranə şəkildə bir xeyli gülüb.
Futbol ictimaiyyətinin «Makler Vüqar» kimi tanıdığı Əliyevin hərəkəti ehtiyat oyunçular skamyasında əyləşənlər tərəfindən təəccüblə qarşılanıb.
