Dünən Roberto Bordinlə yollarını ayıran "Neftçi" artıq yeni baş məşqçi axtarışlarına start verib.
Sportinfo.az-ın əldə etdiyi məlumata görə, artıq paytaxt klubuna 4 mütəxəssis təklif olunub. Onlardan ikisi Azərbaycan futbol ictimaiyyətinə tanış simalardır.
Menecerlər bu yaxınlarda "Astana" ilə yollarını ayıran Roman Qriqorçuk və hazırda "Ordabası"nı çalışdıran Kaxaber Sxadadzenin xidmətini "ağ-qaralar"a təklif ediblər.
Bundan başqa, siyahıda İspaniya və Niderlanddan məşqçilər də var. Ancaq hələlik onların adları açıqlanmır. Klub rəhbərliyi isə futbolumuzu yaxından tanıyan Qriqorçukla Sxadadzeyə daha çox maraq göstərir.