Antalyada təlim-məşq toplanışında olan U-19 millimizin heyətindən intizamsızlığa (siqaret çəkdiyi üçün) görə qovulan Elnur Hüseynov özünə yeni klub tapıb.
"Neftçi"dən də kənarlaşdırılan 17 yaşlı qapıçı mövsümün qalan hissəsini "Zirə"də keçirəcək. Hüseynov qəsəbə klubunun əvəzedici heyətində forma geyinəcək. O, "Zirə-2" ilə 6 aylıq anlaşıb.
Bu barədə Sportinfo.az saytına müraciət edən qolkiper əməlindən peşman olduğunu deyib: "Həyatda səhvsiz insan yoxdur. Səhv əməllərimdən nəticə çıxardıb "Zirə"nin çempionatda yaxşı nəticələr qazanması və yenidən milli komandaya qayıtmağım üçün çalışacam".
.jpg)
