İtaliya A Seriyasının vahid lideri "Yuventus" 21-ci turun Neapol səfərində uduzsa da, qarşılaşma Turin klubunun ulduz futbolçusu Kriştiano Ronaldo üçün əlamətdar olub.
Sportinfo.az xəbər verir ki, "Napoli"yə 1:2 hesablı məğlubiyyətdə yeganə qolu vuran 34 yaşlı portuqaliyalı İtaliya A Seriyasında ardıcıl 8-ci oyunda da adını tabloya yazdırıb.
Cari birincilikdə ümumilikdə 17 dəfə fərqlənən Ronaldonun qollarından 12-i son 8 görüşdə qeydə alınıb. Portuqaliya millisinin lideri A Seriyasının bombardiri - "Latsio"lu Çiro İmmobiledən 6 top geri qalır.