DÇ-2022-nin seçmə mərhələsində Azərbaycan millisi ilə eyni qrupda yer alan İrlandiya itki ilə üzləşib.
Sportinfo.az xəbər verir ki, yarımmüdafiəçi Ceyson Knayt uzun müddətə sıradan çıxıb.
20 yaşlı orta sahə oyunçusu klubu “Derbi”nin heyətində topuğundan xəsarət alıb.
Komandanın baş məşqçisi Stefan Kenni futbolçunun təxminən 3 ay yaşıl meydanlardan uzaq qalacağını açıqlayıb. Bu isə o deməkdir ki, Knayt DÇ-2022-nin seçmə mərhələsində sentyabrdakı oyunları buraxacaq.
Sentyabrın 1-də qrup çərçivəsində Portuqaliyanın qonağı olacaq İrlandiya həmin ayın 4-də Azərbaycanı, 7-də isə Serbiyanı qəbul edəcək.
