«Keşlə» mövsümün əvvalində icarəyə götürdüyü Sezar Meza Kolliyə daha yüksək maaşla yeni müqavilə təklif edib.
Bilindiyi kimi, paraqvaylı yarımmüdafiəçi “Universitatya”ya məxsusdur.
Onun Rumıniya klubuyla sözləşməsi gələn ilin yayında bitəcək. Sabiq «bankirlər» öncə cənubi amerikalını razı salmaq, sonra “Universitatya” ilə danışıqlara başlamaq niyyətindədir.
Gəl ki, AFFA-nın da milliləşdirmək istədiyi legioner bu məsələni müzakirə etməyin əleyhinə çıxıb.
Sportinfo.az-ın məlumatına görə, koronavirus pandemiyası Sezarın psixoloji durumuna çox pis təsir göstərib. O, depressiya yaşayır və tamamilə evinə qapanıb, əksər telefon zənglərinə belə, cavab vermir.
