Yeni mövsümün startına bir aydan bir neçə gün artıq vaxt qalır.
Artıq bütün Premyer Liqa klubları hazırlığa start verib. Yalnız "Şamaxı" xaric.
Bu ayın 20-si bir araya gəlməli olan kollektiv davam edən daxili qeyri-müəyyənlik səbəbindən toplanış tarixi təxirə salınmışdı.
Nəhayət, bölgə klubunda da bir araya gəlməklə bağlı qərar verilib. Belə ki, gələn ayın 1-i komanda Şamaxıda toplaşacaq.
İlk bir həftə sınaq xaratkerli məşqlər olacaq. Yoxlanışa gələn gənclər və əvəzedici komandanın üzvləri arasından seçim ediləcək. Sonra tədricən yeni transferlər də komandaya qoşulacaq. Ölkə xaricinə gedib-getməməklə bağlı sual isə hələ də cavabsız olaraq qalır.
XANOĞLAN / SPORTİNFO.AZ