.jpg)
“Kəpəz” bu gün Keverton Markolino ilə yolları rəsmən ayırıb.
Braziliyalı legionerlə bağlanmış 1 illik sözləşmə qarşılıqlı razılıq əsasında pozulub.
Qarşıdakı 4 ayın maaşı təzminat olaraq ona ödəniləcək. Bu da hardasa 10 min dollar deməkdir.
O, yay fasiləsində heyətə qatılan futbolçulardan biri idi.
Bura gələnə qədər həvəskarlar liqasında çıxış etmiş yarımmüdafiəçi Adil Şükürovun baş məşqçiliyi dönəmində şans qazansa da, Azər Bağırovun təyinatından sonra “ofsayd”a düşdü.
Yeni çalışdırıcı Kevertonun hazırlıq səviyyəsində razı qalmadığından, klub rəhbərliyindən “sambaçı”nın yola salınmasını xahiş edib. Onun sözü yerə salınmayıb.
Odur-budur, 23 yaşlı əcnəbini görən yox idi. Son 4 turda adına nə əsas, nə də əvəzedici komandanın oyunlarında rast gəlmişik.
SPORTİNFO.AZ
.jpg)
