"Milan"ın futbolçusu Zlatan İbrahimoviç İsveçdə olarkən koronavirusun yayılmasının qarşısını almaq məqsədi ilə tətbiq olunan tibbi protokol qaydalarını pozub.
Sportinfo.az xəbər verir ki, 38 yaşlı hücumçu İsveç çempionatının 1-ci turunda "Ostersund" üzərində 2:0 hesablı qələbə qazanan "Hammarbü"nu təbrik etmək üçün paltardəyişmə otağına girib.
Qaydalara görə isə paltardəyişmə otağına yalnız futbolçu və məşqçilərin girişinə icazə verilib. Z.İbrahimoviç "Hammarbü"nun sahibidir. Onun sözügedən klubda oynaya biləcəyi iddiaları yayılmışdı.