"Çelsi" hücumçusu Olivye Jiru karyerasını İtaliyada davam etdirməyə yaxındır.
Sportinfo.az "L’Equipe" nəşrinə istinadən xəbər verir ki, 33 yaşlı fransalı forvard "İnter"lə anlaşıb. Milan təmsilçisi ilə şəxsi müqaviləsini razılaşdırən dünya çempionu indi transfer məbləği məsələsində qarşı tərəflə ortaq məxrəcə gəlməyə çalışır.
Qeyd edək ki, Jiru 2018-ci ilin yanvarından “Çelsi”də çıxış edir. Onun klubla 2020-ci ilin yayına qədər müqaviləsi var.