"Napoli"nin baş məşqçisi Karlo Ançelotti istefaya göndərilib.
Sportinfo.az klubun rəsmi saytına istinadən xəbər verir ki, klub rəhbərliyi təcrübəli mütəxəssislə əməkdaşlığa son qoyub. Komandanın Çempionlar Liqasında 1/8 finala yüksəlməsi də rəhbərliyin qərarını dəyişməyib.60 yaşlı çalışdırıcının A seriyasındakı uğursuzluğa görə qovulduğu iddia olunur.
Komandanın sükanı arxasına "Milan"ın sabiq çalışdırıcısı Cennaro Qattuzonun gətiriləcəyi bildirilir.
"Napoli" ölkə çempionatında 7-ci pillədə qərarlaşıb.